180 ° 戰 場 大 包 圍 ！ 《 Gundam 戰 場 之 絆 》
呢 個 就 係 180 ° 全 天 域 投 映 機 ， 其 球 形 鏡 片 ， 聽 投 映 機 專 家 話 呢 組 鏡 市 面 一 定 冇 現 成 貨 ， 相 信 NBGI 係 為 遊 戲 特 別 訂 製 ， 難 怪 呢 部 機 成 本 咁 高 。
《 投 名 狀 》 得 獎 ， 長 毛 憶 述 君 如 問 佢 「 點 解 唔 拍 愛 情 片 ， 做 乜 要 苦 辛 拍 千 軍 萬 馬 戰 爭 片 ？ 」 大 導 答 得 好 型 ： 「 其 他 片 可 以 買 碟 返 屋 企 睇 ， 只 有 呢 大 場 面 ， 先 至 吸 引 到 觀 眾 買 飛 入 戲 院 。 」
各 位 Gundam 迷 ， 想 唔 想 成 為 機 動 戰 士 駕 駛 員 ， 走 入 與 卡 通 片 一 模 一 樣 的 駕 駛 艙 ， 以 180 度 全 天 域 熒 幕 widescreen 控 制 高 達 ， 同 其 他 7 個 玩 家 一 齊 殺 入 戰 場 ， 進 行 一 場 4 打 4 機 械 人 大 戰 呢 ？
請 放 低 所 有 Wii remote 、 PSP 同 NDS ！ 因 為 全 港 就 只 有 呢 台 體 感 FPS 街 機 《 Gundam 戰 場 之 絆 》 ， 可 以 畀 到 你 呢 份 臨 場 感 ！成 個 機 體 有 2 米 × 2 米 共 4 立 方 米 咁 大 ， 一 連 8 部 機 ， 成 列 火 車 咁 長 ！
DATA名 稱 ： 《 機 動 戰 士 Gundam 戰 場 之 絆 》
類 型 ： 戰 術 FPS
人 數 ： 1 至 8 人
地 點 ： Namco Wonder Park Plus （ 銅 鑼 灣 世 貿 中 心 6 樓 ）
價 錢 ： $35/15 分 鐘 （ 分 上 下 2 個 半 場 ） 、 $25 出 智 能 咭
日 本 空 運 全 港 得 8 架 ！「 駕 駛 艙 係 男 人 浪 漫 ！ 」
睇 番 網 頁 ， 原 來 開 發 人 員 係 本 住 呢 句 說 話 去 創 造 呢 部 《 戰 場 之 絆 》 ； 咁 又 係 啊 ， 有 邊 個 男 仔 ， 細 個 冇 幻 想 過 自 己 飛 機 、 高 達 先 ！
《 戰 場 之 絆 》 用 上 球 形 機 身 ， 成 部 機 好 似 個 波 咁 包 實 玩 家 ， 駕 駛 艙 內 有 個 180 ° 半 球 形 屏 幕 、 雙 操 控 桿 、 腳 踏 同 埋 語 音 通 話 系 統 ， 根 本 上 就 係 將 卡 通 內 個 高 達 砌 入 機 鋪 。
未 入 機 艙 旁 邊 睇 已 經 好 型 ， 坐 落 張 椅 之 後 ， 連 頭 頂 位 都 變 埋 畫 面 ， 感 覺 似 足 去 太 空 館 睇 天 文 片 ， 夠 晒 臨 場 感 ， 有 種 夢 想 實 現 感 覺 。 睇 住 部 吉 姆 由 遠 處 殺 來 ， 睇 住 由 手 掌 咁 細 忽 然 迫 爆 到 成 個 畫 面 都 擋 晒 ， 種 臨 場 感 你 唔 落 過 場 、 坐 入 艙 ， 係 絕 對 唔 會 理 解 ！
成 隻 game 係 用 兩 支 駕 駛 桿 同 兩 個 腳 踏 操 作 ， 另 外 仲 有 個 好 似 玩 XBox Live 咁 耳 機 ， 會 唔 會 好 似 CEO 咪 咁 定 時 消 毒 ？
海 外 解 禁 第 一 擊 日 本 專 人 照 顧《 戰 場 之 絆 》 07 年 推 出 以 來 一 直 禁 止 賣 出 日 本 國 外 ， Gundam 迷 只 好 去 秋 葉 原 先 可 以 過 機 師 癮 ， 等 足 成 年 ， 香 港 係 第 一 個 有 得 玩 海 外 地 區 。
聽 在 場 工 作 人 員 講 ， 呢 8 部 機 由 組 裝 、 檢 查 、 修 理 ， 全 部 只 准 由 跟 機 飛 日 本 技 師 跟 進 ， 全 程 都 唔 畀 香 港 人 搞 。 嘩 ， 一 部 街 機 要 養 幾 個 外 國 人 貼 身 照 顧 ， 《 戰 場 之 絆 》 都 可 謂 街 機 中 的 F1 戰 車 啦 。開 戰 前
開 戰 後
戰 前 阿 Bee 只 係 平 民 一 件 ， 殺 3 、 4 部 吉 姆 ， 已 經 升 職 。
G 出 咭 時 要 揀 所 屬 軍 隊 、 軍 裝 造 型 同 埋 入 名 。
之 後 就 揀 自 己 個 樣 ， model 阿 Bee 問 點 解 冇 女 機 師 。
入 伍 前 申 請 智 能 軍 用 證呢 隻 game 有 好 多 成 績 等 住 你 儲 ， 首 次 出 戰 之 前 ， 一 定 要 畀 $25 買 一 張 智 能 咭 ， 去 左 圖 呢 部 終 端 機 申 請 軍 用 證 。 證 件 上 印 住 你 各 種 資 料 ， 最 搞 笑 係 個 軍 階 ， 未 入 伍 前 寫 住 「 民 間 人 」 ， 殺 幾 部 敵 機 後 ， 再 插 番 張 咭 入 終 端 機 ， 上 面 字 樣 竟 然 得 識 update ， 升 我 做 「 二 等 兵 」 ， 好 鬼 死 神 奇 ！ 唔 知 要 打 幾 多 鋪 ， 先 可 以 升 做 Keroro 軍 曹 呢 ？你 隻 吉 姆 咁 有 種 用 劍 ？ 就 拎 個 斧 頭 出 同 你 死 過 。
右 stick 有 個 lock-on 掣 ， lock 實 對 手 後 會 有 個 紅 色 指 標 ， 方 便 你 追 住 射 。
畀 我 射 多 幾 先 啦 ， 3 、 2 、 1 ， 敵 機 擊 破 ！ 又 儲 多 幾 分 換 高 達 啦 喂 ！
身 旁 如 果 有 敵 人 爆 炸 ， 成 個 畫 面 會 被 爆 風 閃 到 白 晒 ， 呢 一 音 響 仲 幾 勁 。
被 擊 落 呢 一 ， 成 個 畫 面 會 爆 玻 璃 ， 真 到 我 即 時 想 用 雙 手 遮 面 。 好 在 死 都 可 以 無 限 復 活 ， 7 分 鐘 戰 鬥 時 間 完 結 後 睇 邊 一 面 死 得 多 人 來 定 勝 負 。
實 試 Report 一 鋪 平 民 變 軍 人第 一 次 入 駕 駛 艙 ， 立 即 俾 個 密 封 艙 同 個 180 ° 環 迴 畫 面 所 震 撼 ， 入 咭 選 機 體 立 即 上 戰 場 ， 雙 搖 桿 手 掣 操 作 因 為 有 似 當 年 《 電 腦 戰 機 》 ， 所 以 筆 者 好 易 上 到 手 ， 係 加 多 兩 個 腳 踏 （ 左 邊 跳 、 右 邊 衝 ） ， 加 上 第 一 次 入 咭 玩 ， 只 可 以 用 最 低 階 的 吉 姆 （ 或 渣 古 ） ， 好 多 高 樓 大 廈 都 跳 唔 過 ， 需 要 少 少 時 間 先 識 得 點 樣 靈 活 郁 動 。 最 好 笑 係 見 到 2 個 試 玩 model 行 落 海 之 後 就 唔 識 跳 番 上 ， 要 在 場 打 機 指 導 員 教 路 先 至 走 得 甩 。 （ 好 想 跑 過 去 親 手 教 佢 玩 ！ ）
行 多 幾 行 ， 終 於 見 到 敵 軍 吉 姆 仔 ， 立 即 踩 腳 踏 dash 斬 殺 佢 ， 不 過 有 時 衝 過 龍 ， 轉 身 就 非 常 之 慢 。 聽 高 手 講 ， 可 以 手 掣 推 後 + 腳 踏 向 後 dash ， 跳 後 即 劈 。
成 個 戰 鬥 過 程 非 常 有 臨 場 感 ， 只 係 戴 耳 機 ， 立 體 聲 效 果 唔 係 太 響 ， 第 一 身 視 點 仲 令 我 有 點 暈 。 兩 場 7 分 鐘 戰 鬥 完 畢 後 ， 在 下 所 屬 自 護 軍 當 然 係 贏 啦 ！ 勝 出 後 我 仲 好 想 整 多 鋪 ， 但 望 向 後 面 已 經 好 多 人 排 住 等 ， 惟 有 去 終 端 機 update 張 咭 ， 發 現 已 經 由 平 民 變 二 等 兵 ， 嘩 ~~ 我 終 於 成 為 自 護 軍 人 啦 ！ 自 護 萬 歲 ！阿 邊 個 ， 飛 埋 去 劈 佢 ！
收 到 ！
耳 機 通 話 似 XBox Live 互 call 合 拍 打 勝 仗XBox Live 成 功 之 處 就 係 用 耳 機 通 話 拉 近 online 玩 家 間 的 距 離 ， 玩 《 戰 場 之 絆 》 時 ， 4 個 隊 友 同 樣 係 見 唔 到 對 方 ， 要 呢 隻 咁 講 求 teamwork 遊 戲 中 勝 出 ， 除 開 戰 前 講 好 邊 個 負 責 埋 身 劈 、 邊 個 離 遠 做 狙 擊 之 外 ， 最 緊 要 就 係 多 用 耳 機 互 通 消 息 。
呢 隻 game 唔 同 《 Gundam DX 》 ， 戰 場 大 ， 同 伴 隔 得 好 開 ， 隊 友 間 記 得 多 用 通 話 報 告 行 動 ； 玩 得 唔 好 ， 又 被 人 圍 揪 ？ 記 得 唔 好 怕 醜 ， 大 聲 通 知 同 伴 救 命 。 仲 有 啊 ， 大 家 都 係 求 開 心 ， 唔 係 打 真 軍 ， 咪 爆 粗 鬧 玩 得 差 隊 友 喎 ！右 邊 兩 部 係 《 戰 》 原 創 新 機 、 包 括 渣 古 狙 擊 型 （ 左 ） 、 GP02 導 彈 型 ， 我 一 定 要 用 ！
可 能 我 劈 人 劈 得 勁 ， 打 兩 次 即 刻 得 到 部 肉 搏 機 體 亞 古 爾 ！
想 做 阿 寶 日 日 勁 煲唔 似 《 Gundam Vs Gundam 》 ， 一 開 波 有 近 百 隻 高 達 畀 你 揀 ， 《 戰 場 之 絆 》 的 新 玩 家 只 會 獲 配 給 最 cheap 的 渣 古 / 吉 姆 。
咁 點 先 至 可 以 做 阿 寶 ， 用 到 高 達 呢 ？ 每 次 戰 鬥 記 得 去 終 端 機 update 張 軍 用 證 ， 之 後 電 腦 就 會 分 配 新 武 器 或 者 機 體 畀 你 ， 用 長 距 離 機 出 戰 10 隻 ， 仲 可 以 得 到 隱 藏 的 狙 擊 機 體 ， 更 多 戰 術 變 化 ！
情 侶 檔 players 戰 地 reportFiona ： 「 迫 住 同 男 友 一 隊 ！ 」
仲 以 為 Fiona 係 陪 男 友 先 至 入 場 ， 原 來 佢 一 直 有 玩 開 《 高 達 DX 》 街 機 ， 係 超 級 高 達 迷 ！ 佢 話 ： 「 隻 game 真 係 好 正 啊 ， 最 唔 開 心 係 要 陪 男 友 一 齊 用 聯 邦 軍 ， 其 實 我 係 自 護 fans ， 好 想 快 用 到 紅 彗 星 渣 古 ！ 」
雪 乃 ： 「 想 有 震 動 座 椅 」
同 女 友 一 樣 係 高 達 迷 的 雪 乃 ， 意 見 一 樣 專 業 ： 「 隻 game 用 到 對 講 機 溝 通 ， 真 係 好 有 戰 略 性 。 可 能 因 為 要 顧 及 呢 一 點 ， 音 響 好 細 聲 ， 所 以 想 佢 座 椅 加 震 動 功 能 ， 增 加 臨 場 感 。 」世 貿 機 鋪 裝 修 完 之 後 ， 大 到 有 埋 模 型 鋪 ， 劈 完 高 達 仲 可 以 買 高 達 ！
總 結 ？ 人 一 世 物 一 世 ， 來 試 吧 ！《 Gundam 戰 場 之 絆 》 如 此 擁 有 夢 想 的 遊 戲 真 係 令 人 敬 佩 ， 雖 則 一 開 始 開 咭 玩 第 一 鋪 埋 單 要 成 $60 ， 不 過 種 身 歷 其 境 及 震 撼 力 ， 絕 對 唔 係 家 用 遊 戲 機 可 以 做 到 。
加 上 機 鋪 都 用 唔 少 心 機 ， 好 似 有 主 持 搞 氣 氛 安 排 入 場 ， 又 有 打 機 指 導 員 教 你 操 作 ， $35 蚊 計 番 yen 價 ， 仲 抵 過 去 日 本 用 ¥ 500 玩 （ 約 $40 ） 。 雖 然 一 鋪 機 要 收 $35 ， 玩 9 鋪 可 以 買 隻 《 Vegas 2 》 ， 但 點 都 要 豪 一 次 去 親 身 睇 驗 呀 ！180 ° 戰 場 大 包 圍 ！
Gundam 戰 場 之 絆 VIDEO :
http://appledaily.atnext.com/adm ... dam_Arcade_game.flv
撰 文 ： 鍾 世 傑 、 拳 頭 坦 克
攝 影 ： 黃 家 活
model ： kitty 、 Bee@Zapmodel 、 Pooh
